အလံဖြူစိုက်ထားတဲ့ရင်ဘတ်မှာ တောမီးတွေမငြိမ်းသေးဘူး
လေက သူ့ဟာသူတိုက်တာ
သစ်ပင်ကသူ့ဟာသူလှုပ်တာ
တောမီးဘာ့ကြောင့်လောင်တာလဲ
သားမသိဘူး မေမေ
အလံဖြူစိုက်ထားတဲ့ရင်ဘတ်မှာ
တောမီးတွေဘယ်တော့ ငြိမ်းမှာလဲ
သားမသိဘူး မေမေ
မေမေဘယ်မှာလဲ
ဖေဖေဘယ်သူလဲ
တဟုန်းဟုန်းတောက်နေတဲ့ မေးခွန်းတွေ
သားလက်ပမ်းကျနေပြီ မေမေ
သားလည်းမကြွေခင်သေးတော့
ဝေချင်သေးတာပေါ့မေမေရယ်
သားလေ..
ကျောက်ခဲလေးလို အေးမြချင်ပါတယ်
ဒါပေမယ့်....သားက
မီးတောင်ကပဲ့ထွက်လာတဲ့ကျောက်ခဲလေးပါ
အလိုလိုနေရင်း မီးခိုးအူနေတဲ့ ကောင်လေးပါ
သားလေ
စမ်းချောင်းလေးလို စီးဆင်းချင်ပါတယ်
ဒါပေမယ့် .. သားက
မီးတောင်က အံချလိုက်တဲ့ ချော်ရည်လေးပါ
အလိုလိုနေရင်း အငွေ့ပျံနေတဲ့ ကောင်လေးပါ
သားလည်း
ဗာဒံပင်လေးလို အရိပ်ဝေချင်တာပေါ့
ဒါပေမယ့်....
သားလည်း
စံပယ်ချုံလေးလို မွှေးမြချင်တာပေါ့
ဒါပေမယ့်...
သားလည်း
မိသားစုထမင်းဝိုင်းမှာ ဦးချချင်တာပေါ့
ဒါ ပေမယ့် ....
သားလည်း
တရေးနိုးတဲ့အခါ
သားခြေထောက် သေးသေးလေးကို
ဖေဖေ ခါးပေါ် ဖြတ်တင်ထားချင်တာပေါ့
ဒါပေမယ့်.....
သားမျ က်နှာလေးကို
မေမေ့ နို့အုံထဲ နှစ်ထားချင်တာပေါ့
ဒါပေမယ့်.....
သားလည်း
သမိုင်းတွေအော်ကျက်ချင်တာပေါ့
ဒါပေမယ့်....
သားလည်း
ကဗျာတွေ အော်ဆိုချင်တာပေါ့
ဒါပေမယ့်....
သားလည်း
မိုးရေတက်ရေ တဖွေးဖွေးဖြစ်ချင်တာပေါ့
ဒါပေမယ့်....
သားလည်း
ဟိုးရှေးရှေးတုန်းက......
ပုံပြင်နဲ့ အိပ်ရာဝင်ချင်တာပေါ့
ဒါ ပေမယ့်....
သားလည်း
မေမေလွှဲနေတဲ့ ပုခက်ထဲ
ကြယ်တွေ ဆီ ရွက်လွှင့်ချင်တာပေါ့
ဒါပေမယ့်.....
သား ဘာလုပ်မိလို့လဲ
သား ဘာမှားခဲ့လို့လည်း
သားမသိဘူး မေမေ
အလံဖြူစိုက်ထားတဲ့ရင်ဘတ်မှာ
တောမီးတွေက ဘယ်တော့ ငြိမ်းမှာလဲမေမေ..
အလံဖြူစိုက်ထားတဲ့ ရင်ဘတ်မှာ
အလံဖြူစိုက်ထားတဲ့ သားတို့ရင်ဘတ်မှာ
အလံဖြူစိုက်ထားတဲ့
ဟောဒီရင်ဘတ်ကလေးမှာ
တောမီးတွေ ဘယ်တော့ ငြိမ်းမလဲ မေမေ
တောမီးတွေ ဘယ်တော့ ငြိမ်းမလဲ မေမေ
တောမီးတွေက ဘယ်တော့ ငြိမ်းမှာလဲ
မေမေ......။
(ကိုရွေး)
ရနံ့သစ် အမှတ်(၁၅) ၊ ၂၀၁၀ မှာ ဆရာညီမင်းညိုရဲ့ခံစားမှုနှင့် ထပ်တူ စေတနာရှင်လူငယ်များ အားလုံးခံစားမိပါသည်။ ကလေးများရဲ့ အနာဂတ်ကို သာယာလှပစေလိုကြပါသည်။
တောမီးတွေကို ကျနော်တို့ အပြီးတိုင်ငြိမ်းသတ်ကြပါစို့......။
စေတနာရှင်လူငယ်များနှင့် ပရဟိတလူငယ်များအားလုံး ကို ဗေဒါလမ်း ကဗျာနဲ့ဂုဏ်ပြုလိုက်ပါတယ်။
ဗေဒါလမ်း
ညိုပြာပြာ လတာပြင်ခြေရင်း
လှိုင်းတက်ရာ ဗေဒါတက်၊ လှိုင်းသက်ရာဆင်း။
ဆင်းရလဲ မသက်သာ။
အုန်းလက်ကြွေရေပေါလော၊ မျောစုန်လို့လာ
အဆင်းနဲ့အလာ၊ ဗေဒါမ အထွေး။
အုန်းလက်ကြွေ သူ့နံဘေး၊ ဆောင့်ခဲ့ရသေး။
ဆောင့်ခဲ့လဲ မသက်သာ
နောက်တချီ ဒီတလုံးက၊ ဖုံးလိုက်ပြန်ပါ
မြုပ်လေပေါ့ ပေါ်မလာ၊ မဗေဒါအလှ
တလံကွာ လှိုင်းအကြွ၊ ပေါ်လိုက်ပြန်ရ
ပေါ်ပြန်လဲ မသက်သာ
ချောင်းအဆွယ် မြောင်းငယ်ထဲက၊ ဘဲထွက်လို့လာ
ဘဲအုပ်မှာ တရာနှစ်ရာ၊ ဗေဒါက တပင်ထဲ
အယက်အကန်ခံလို့
ဗေဒါပျံအံကိုခဲ၊ ပန်းပန်လျက်ဘဲ။
ဆရာဇော်ဂျီ
အိမ်အလှ
ငါ့ညီပြောင်ဝင်း၊ မောင်သစ်ဆင်း
မင်း၏သားငယ်၊ သက်နှစ်ဆယ်သည်
ဘယ်အိမ်မျိုးကို ကြိုက်သနည်း။
အိမ်ရှေ့ပန်းခင်း၊ ဇာပြတင်းနှင့်
အိမ်တွင်းကော်ဇော၊ ဆိုဖာချောနှင့်
အံ့ဩ ရင်မ၊ ဗန်းပြ လှလည်း
စိတ်က မောဟ၊ လက်က လောဘ
နှုတ်က မာန၊ ထားတတ်ကြမူ
အတ္တကိုယ်ကျိုး ထိုအိမ်မျိုး။
အိမ်နောက်စိုက်ခင်း ၊ စာမျိုးဟင်းနှင့်
အိမ်တွင်းသန့်စင်၊ လေ နေ ဝင်နှင့်
အားအင်မျှတ၊ ဗန်းမလှလည်း
စိတ်ကမေတ္တာ၊ လက်မှာ စာဂ
နှုတ်က ဖြေင့်ရိုး၊ အနေရိုးမူ
သူ့ကျိုး ကိုယ့်ကျိုး ထိုအိမ်မျိုး ။ ။
ဆရာဇော်ဂျီ
ညီသစ်ဆင်းကဗျာစု
၁၉၆၅
